Bakı. Trend:
Son illər iqlim dəyişikliyi nəticəsində daşqınlar, sellərin sayı
çoxalıb. Bu gün Azərbaycanda da iqlim dəyişikliyi özünü büruzə
verir.
Trend-in məlumatına görə, bunu jurnalistlərə açıqlamasında fövqəladə hallar naziri general-polkovnik Kəmaləddin Heydərov bildirib.
Nazir qeyd edib ki, zəlzələ hər zaman olur və baş verdiyi vaxt bilinmir:
"Sadəcə fəsadlarının az olması üçün işlər aparılır. 2000-ci ildə Azərbaycanda baş verən zəlzələdən sonra binaların dayanıqlıqları yoxlanıb və proses hər zaman davam edir".
Qeyd edək ki, Azərbaycan Fövqəladə Hallar Nazirliyinin təşkilatçılığı ilə Bakıda Türk Dövlətləri Təşkilatına üzv və müşahidəçi ölkələrin Fövqəladə halların idarə edilməsi üzrə Nazirlərinin İkinci İclası keçirilir.