Azərbaycan, Bərdə, 24 may / Trend , müxbir Ş.Cəliloğlu/ Bərdə-Bakı magistral avtomobil yolunun Tərtər rayonu Küçərli kəndinə düşən ərazisində mayın 24-nə keçən gecə ölümlə nəticələnən yol qəzası baş verib. Trend -un bölgə müxbirinin məlumatına görə, VAZ 2106 markalı avtomobilin sürücüsü Bəxtiyar Abdullayev piyada Ağdam rayonundan məcburi köçkün ,1939-cu il təvəllüdlü Validə Teymur qızı Baxşəliyevanı vurub. Baxşəliyeva hadisə yerindəcə keçinib.
Trend -un arayışı: Bu ilin birinci rübündə Azərbaycanda daxili işlər orqanları tərəfindən yol hərəkəti və nəqliyyat vasitələrinin istismarı qaydalarını pozma cinayətlərinin 92,5%, o cümlədən ölümlə nəticələnən yol-nəqliyyat hadisələri ilə bağlı 95,2%, açılması təmin edilib.
Tərtər rayon Polis Şöbəsindən şənbə günü bildiriblər ki, hadisəni törədən sürücü saxlanılıb və Cinayət Məcəlləsinin yol hərəkəti və nəqliyyat vasitələrinin istismarı qaydalarını pozma ilə zərərçəkmiş şəxsin ölümünə səbəb olma (263.2) maddəsi ilə cinayət işi açılıb.
Tərtər paytaxt Bakıdan 400 kilometr cənub-qərbdə yerləşir.
Məqalə müəllifi ilə əlaqə ünvanı: [email protected]