Azərbaycan, Ağdam 5 oktyabr / Trend , mцxbir Ş.Cəliloğlu/ Azərbaycanın Ağdam rayonu Quzanlı kəndi ərazisində yerləşən yanacaq doldurma məntəqəsində, bazar günü saat 13:00 radələrində yanğın baş verib. Hadisə yerinə gələn rayon yanğından mühafizə xidmətinin əməkdaşları yaxınlıqda olan ticarət obyektlərindən, yaşayış evlərindən sakinlərin evakuasiyasını təşkil ediblər.
Yanğın nəticəsində 1 nəfər orta-ağır dərəcəli xəsarət alıb. Hadisə yerinə gələn yanğından mühafizə xidmətinin əməkdaşları 2 saat müddətində yanğını söndürməyə müvəffəq olublar.
Hadisənin baş vermə səbəbi yanacağı çənlərə doldurarkən təhlükəsizlik qaydalarının pozulması olub.