Azərbaycan, Bakı, 7 avqust /Trend, müxbir K.Zərbalıyeva/
Bakı Dəmir Yolu Stansiyasında partlayıcı qurğu quraşdırıldığı barədə yalan məlumat verən şəxs saxlanılıb.
Daxili İşlər Nazirliyinin internet-saytının şənbə günü yaydığı məlumata görə, avqustun 6-da Bakı Dəmir Yolu Stansiyasında Şəki şəhər sakini Yusif Əhmədov ucadan qışqıraraq, Bakı-Horadiz qatarının 5-ci vaqonunda partlayıcı qurğu quraşdırdığını bildirib.
Nəqliyyatda Baş Polis İdarəsi əməkdaşları tərəfindən qatarın 5-ci vaqonu yoxlanılıb, heç bir partlayıcı qurğu və şübhə doğuran əşya aşkar edilməyib.
Dərhal polis tərəfindən yaxalanan Əhmədov izahatında həmin qatarda gedən dostu, Cəbrayıl rayon sakini Tural Hüseynovla zarafat etdiyini bildirib.