Azərbaycan, Bakı, 5 mart /Trend, müxbir T.Hacıyev/
Hacıqabulda evin yanması nəticəsində bir ailənin iki azyaşlı üzvü həlak olub. Trend-in Fövqladə Hallar Nazirliyinin rəsmi internet saytına istinadən verdiyi məlumata görə, Hacıqabul rayonunun mərkəzindən 32 km aralıda yerləşən Birinci Paşalı kəndində vətəndaşa məxsus ümumi sahəsi 128 kvadratmetr olan 4 otaqlı evin yanar konstruksiyaları və əşyaları yanıb. Hadisə zamanı evdə olan 1 nəfər yanıq xəsarətləri alıb və yaralı xəstəxanaya aparılıb.
Hadisə yerinə cəlb olunmuş yanğınsöndürənlər yaxınlıqdakı tikililəri yanğından mühafizə ediblər. Yanğın saat 17:40-da yanğınsöndürənlər tərəfindən söndürülüb. Yanğın yerinin kəşfiyyatı zamanı ev sahibinin övladları - 2008-ci il təvəllüdlü Abdullyev Sahib Zaur oğlu və 2010-cu il təvəllüdlü Abdullayev Zaman Zaur oğlunun cəsədi aşkarlanıb.
Hadisə ilə əlaqədar müvafiq qurumlar tərəfindən araşdırma aparılır.