Azərbaycan, Bakı, 14 mart /Trend, müxbir K.Zərbalıyeva/
Sumqayıtda polis forması geyinən qadın saxlanıb.
Daxili İşlər Nazirliyindən Trend-ə verilən məlumata görə, Sumqayıt şəhəri Cəlil Məmmədquluzadə küçəsində Hacı Zeynalabdin Tağıyev qəsəbəsi sakini Samirə Allahverdiyeva qanunsuz olaraq polkovnik rütbəsində olan polis formasını geyinərək "Hyundai" markalı avtomaşını idarə edərkən Post-Patrul Xidməti Taborunun əməkdaşları tərəfindən saxlanıb.
O, Sumqayıt şəhər Polis İdarəsinə təhvil verilib və toplanmış materiallar şəhər prokurorluğuna göndərilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
