Azərbaycan, Bakı, 11 iyun /Trend, müxbir K.Zərbalıyeva/
Yol qəzaları 6 nəfərin xəsarət alması, bir nəfərin ölümü ilə nəticələnib.
Daxili İşlər Nazirliyinin mətbuat xidmətindən Trend-ə verilən məlumata görə, Ağstafa rayonu ərazisində rayon sakini Seymur Haqverdiyevin idarə etdiyi "VAZ-2106" markalı, Qazax rayon sakinləri Abbasqulu Abbasovun idarə etdiyi "VAZ-2107" markalı və Qüdrət Pirməmmədovun idarə etdiyi "Mercedes" markalı avtomaşınlar toqquşublar.
Xəsarət almış Haqverdiyev və sərnişini - atası Qasım, habelə Abbasov xəstəxanaya yerləşdiriliblər. Qasım xəstəxanada ölüb, digərlərinin vəziyyətləri isə orta-ağırdır.
Qobustan rayonu ərazisində isə Nabur kənd sakinləri Mahir Məhəmmədovun idarə etdiyi "VAZ-21011" markalı və Rahib Şeydayevin idarə etdiyi "VAZ-2107" markalı avtomaşınlar toqquşub.
Nəticədə Şeydayevin xəsarət almış sərnişinləri - atası Abbasəli və anası Fənarə, habelə Məmmədovun sərnişinləri Fəxri Məhəmmədov və Validə Məhəmmədova xəstəxanaya yerləşdirilib, vəziyyətləri orta ağırdır.