Azərbaycan, Bakı, 15 iyun /Trend/
Tacikistanın Qulyab (ölkənin cənubu) şəhərində futbol azarkeşləri qarşıdurma yaradıblar, saxlanılan və xəsarət alanlar var. Trend-in məlumatına görə, bu barədə çərşənbə günü "İnterfaks"a Tacikistanın hüquq-mühafizə orqanlarındakı mənbə bildirib.
Onun sözlərinə görə, dünən axşam "Rövşən" (Qulyab) futbol klubu "İstiqlal" (Düşənbə) komandasına minimal hesabla uduzub ki, bu da yerli azarkeşlərin narazılığına və qarşıdurma yaratmalarına səbəb olub.
"Milisin güc tətbiq etməklə azarkeşləri stadiondan çıxarmağa cəhd etdiyi bir vaxtda bir qrup gənc milis kordonunu yarmağa çalışıb. Dərhal bir neçə partlayış səsi eşidilib. Təcili yardım maşınları zərərçəkənlərin olduğundan xəbər verir", - mənbə bildirib.