Azərbaycan, Bakı, 9 iyul /Trend, müxbir K.Zərbalıyeva/
Ağcabədidə ağır yol qəzası olub, bir nəfər ölüb.
Trend-in Daxili İşlər Nazirliyinin internet saytına istinadən yaydığı məlumata görə, iyulun 8-də saat 10:30 radələrində Ağcabədi rayonunun Hindarx qəsəbəsində qəsəbə sakini Oktay Həmidovun idarə etdiyi "KamAZ" markalı və İmamqulubəyli kənd sakini Eldəniz Kərimovun idarə etdiyi "VAZ-21013" markalı avtomaşınlar toqquşub.
Nəticədə Kərimovun sərnişini, həmkəndlisi Savad Kərimova aldığı xəsarətdən hadisə yerində ölüb.
Ağcabədi rayon polis şöbəsi tərəfindən araşdırma aparılır.