Azərbaycan, Bakı, 9 iyul /Trend, müxbir K.Zərbalıyeva/
Ağstafada yol qəzasında 2 nəfər ölüb, bir nəfər xəsarət alıb.
Trend-in Daxili İşlər Nazirliyinin internet saytına istinadən verdiyi məlumata görə, iyulun 8-də saat 08:00 radələrində Ağstafa rayonu ərazisində Xaliq Həsənovun idarə etdiyi "VAZ-2106" markalı və Tovuz rayon sakini Camal İsmayılovun idarə etdiyi "VAZ-2106" markalı avtomaşınlar toqquşub.
Nəticədə İsmayılov və sərnişini, Tovuz rayon sakinləri - Əli Hüseynov hadisə yerində ölüb, xəsarət almış digər sərnişini Zakir Sadıqov isə xəstəxanaya yerləşdirilib.
DİN-in Baş Dövlət Yol Polisi İdarəsi tərəfindən araşdırma aparılır.
