Azərbaycan, Bakı, 5 noyabr /Trend, müxbir K.Zərbalıyeva/
Bakıda və Sabirabadda ağır yol qəzaları olub.
Trend-in Daxili İşlər Nazirliyinin rəsmi saytına istinadən şənbə günü yaydığı məlumata görə, noyabrın 4-də saat 00:20 radələrində Xəzər rayonu ərazisində Bakı şəhər sakinləri Asif Məmmədovun idarə etdiyi "VAZ-2106" və Məzahir Bayramovun idarə etdiyi "Toyota RAV-4" markalı avtomaşınlar toqquşub.
Nəticədə "Jiquli"nin sürücüsü hadisə yerində ölüb, xəsarət almış Bayramov və sərnişinləri - oğlu 7 yaşlı Zülfüqar və qardaşı Oruc xəstəxanaya yerləşdirilib, vəziyyətləri orta-ağırdır.
Noyabrın 4-də saat 21:00 radələrində Sabirabad rayonu ərazisində rayon sakinləri Süleyman Məmişovun idarə etdiyi "VAZ-2107" və Vüsal Mehdiyevin idarə etdiyi "QAZel" markalı avtomaşınlar toqquşub.
Nəticədə "VAZ-2107"-nin sürücüsü və sərnişini Rauf Şahverənov hadisə yerində ölüb, xəsarət almış digər üç sərnişin isə xəstəxanaya yerləşdirilib, vəziyyətləri qənaətbəxşdir.