Azərbaycan, Bakı, 27 dekabr /Trend, müxbir K.Zərbalıyeva/
Bu gün günorta saatlarında Bakıda iki gənc bıçaqlanıb.
Nərimanov rayon prokurorluğundan Trend-ə verilən məlumata görə, bu gün saat 14:00 radələrində rayonun Həsən Əliyev küçəsində Bakı şəhər sakinləri - 1989-cu il təvəllüdlü İbrahim Yəhyayev və Elman Hacıbabayev naməlum şəxslər tərəfindən bıçaqlanıblar.
Onlar ağır vəziyyətdə Kliniki Tibbi Mərkəzə gətiriliblər.
Yəhyayev xəstəxanada aldığı xəsarətdən dünyasını dəyişib. Mərkəzdən Trend-ə bildirilib ki, Hacıbabayev hazırda əməliyyat olunur.
Cinayəti törədən şəxslərin müəyyən edilib tutulması üçün əməliyyat-axtarış tədbirləri görülür.