Azərbaycan, Bakı, 14 yanvar /Trend/
İraqın cənubunda baş vermiş iri terror aktının qurbanlarının sayı 50 nəfərədək artıb, yüzdən artıq adam yaralanıb. Trend-in məlumatına görə, bu barədə "Royter" agentliyi polisə istinadən məlumat yayıb.
Bundan əvvəl 32 nəfərin öldüyü barədə məlumat verilmişdi.
Polis paltarı geyinmiş intiharçı-terrorçu şənbə günü Bəsrə şəhərindəki nəzarət-buraxılış məntəqələrindən birindən keçən şiə zəvvarlar qrupunun yanında partlayıcı qurğunu işə salıb.
Terror aktı şiələr üçün müqəddəs gündə, yəni Məhəmməd Peyğəmbərin nəvəsi İmam Hüseynin vəfatının 40-cı günü ("Ərbəin") baş verib.