Azərbaycan, Bakı, 28 yanvar /Trend/
Biləsuvar rayonu, Xırmandalı kəndində (rayon mərkəzindən 10 km aralı) "VAZ" markalı minik avtomobili və "Mercedes" markalı mikroavtobus toqquşub.
Trend-in şənbə günü FHN-in rəsmi saytına yaydığı məlumata görə, nəticədə minik avtomobili aşıb, sürücüsü - 1979-cu il təvəllüdlü Nurlan Xudaşirin oğlu Cabbarov hadisə yerində ölüb.
Xilasedicilər Cabbarovun cəsədinin nəqliyyat vasitəsindən çıxarılmasını və aidiyyəti üzrə təhvil verilməsini təmin ediblər.