Azərbaycan, Bakı, 9 fevral / Trend müxbir K.Zərbalıyeva/
Xəzərdə balıq ovuna çıxmış balıqçı xilas olunub.
Trend-n Fövqəladə Hallar Nazirliyinin rəsmi saytına istinadən verdiyi məlumata görə, Bakı şəhəri, Qaradağ rayonu ərazisindən rezin qayıqda ova çıxmış 1 nəfərin hava şəraiti ilə əlaqədar geriyə qayıda bilməməsi və dənizdə köməksiz vəziyyətdə qalması barədə məlumat daxil olub.
Görülmüş tədbirlər nəticəsində sahildən təxminən 100-150 m aralıda (ən yaxın xilasetmə məntəqəsindən 6 km aralı) qayıqda aşkarlanmış vətəndaş dalğıc-xilasedicilər tərəfindən xilas olunub və aidiyyəti üzrə təhvil verilib.