Azərbaycan, Bakı, 14 fevral / Trend müxbir K.Zərbalıyeva/
Azərbaycanda bank filialının keçmiş rəhbəri dələduzluqda günahlandırılır.
Trend-in Daxili İşlər Nazirliyinin rəsmi saytına istinadən verdiyi məlumata görə, Yevlax rayon polis şöbəsinin əməkdaşları tərəfindən "DəmirBank" ASC-nin Yevlax filialında müdir işləmiş Yasin Cəfərovun işlədiyi müddət ərzində 5000 dollar pulu dələduzluq yolu ilə mənimsəməsi müəyyən edilib.
Belə ki, bankın filial rəhbəri 2007-ci ilin may ayının 18-də həmin bankdan əmək haqqı alan Ceyhun Rzayevin xəbəri olmadan onun adına saxta sənəd tərtib edərək 5000 dollar pulu mənimsəyib.
