Azərbaycan, Bakı, 20 fevral / Trend müxbir K.Zərbalıyeva/
Bakıda ticarət mərkəzində içərisində 32 min dollarlıq əmlak olan seyf oğurlayan şəxslər tutulub.
Trend-in Daxili İşlər Nazirliyinin rəsmi saytına istinadən verdiyi məlumata görə, fevralın 3-də "Life Centre" ticarət mərkəzində Bakı şəhər sakini İsgəndər Məcidova məxsus mağazadan içərisində 32.000 dollar pul, brilyant və qızıl-zinət əşyaları olan seyfi oğurlanıb.
Baş Cinayət-Axtarış İdarəsi, Bakı Baş Polis İdarəsinin Cinayət-Axtarış İdarəsi və Nərimanov Rayon Polis İdarəsinin əməkdaşlarının birgə həyata keçirdikləri əməliyyat-axtarış tədbirləri nəticəsində oğurluqda şübhəli bilinən şəhər sakinləri Məlik Məlikov, Səbuhi Məmmədov və Vasif İsmayılov tutulublar.