Yol qəzasında xəsarət alanlar barədə məlumat əlavə olunub (İlk xəbər 12:36-da yayılıb)
Azərbaycan, Bakı, 28 aprel /Trend, müxbir K.Zərbalıyeva/
Bakı-Quba magistral yolunun Biləcəri qəsəbəsinə gedən hissəsində sərnişin avtobus aşıb. Şahidlərin Trend-ə verdiyi məlumata görə, avtobusda sərnişinlər olub. Hazırda hüquq-mühafizə orqanlarının əməkdaşları hadisə yerindədirlər.
Şahidlərin dediyinə görə, qəzaya uğrayan 93 nömrəli marşrut avtobusudur.
Dəmiryol Xəstəxanasından Trend-ə verilən məlumata görə, qəzada xəsarət alan 3 nəfər xəstəxananın cərrahiyyə şöbəsinə yerləşdirilib.
Bir yaralının isə başqa bir xəstəxanaya aparıldığı bildirilib.