Azərbaycan, Bakı, 12 may / Trend müxbir İ.İsabalayeva/
Bakıda minik avtomobili dərəyə yuvarlanıb.
Trend şənbə günü Fövqəladə Hallar Nazirliyinin saytına istinadən xəbər verir ki, Bakının Suraxanı rayonunda "VAZ" markalı minik avtomobili dərəyə yuvarlanıb.
Nəticədə sürücü xəsarət alıb və deformasiyaya uğramış nəqliyyat vasitəsində sıxılmış vəziyyətdə qalıb. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə yaralını avtomobildən çıxarıblar.
Əməliyyat saat 09:40-da başa çatıb.