Azərbaycan, Bakı, 25 may / Trend müxbir K.Zərbalıyeva/
Bakı Tennis Akademiyasında yanğın olub.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Binəqədi rayonunda Bakı Tennis Akademiyasının İdman Kompleksinin 1-ci mərtəbəsində ümumi sahəsi 20 kv.m olan sauna otağının lambirin və taxtadan ibarət üzlükləri 12 kv.m sahədə yanıb.
Saunanın qalan hissəsi yanğınsöndürənlər tərəfindən yanğından mühafizə olunub.