Azərbaycan, Bakı, 27 may /Trend/
Bakının Xəzər rayonu ərazisində şübhəli əşyanın olması barədə məlumat təsdiqini tapmayıb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Xəzər rayonu ərazisində şübhəli əşyanın olması barədə FHN-in "112" qaynar telefon xəttinə məlumat daxil olub.
Dərhal nazirliyin müvafiq qurumlarının mütəxəssisləri zəruri tədbirlərin görülməsi üçün hadisə yerinə cəlb ediliblər.
Nazirliyin mütəxəssisləri hüquq mühafizə orqanlarının əməkdaşları ilə birgə ərazidə müvafiq təhlükəsizlik tədbirləri görüb və şübhə yaradan qutuya baxış keçiriblər. Qutunun içərisindəki əşyanın təhlükə daşımadığı müəyyən olunub.