Azərbaycan, Bakı, 31 may / Trend müxbir K.Zərbalıyeva/
Biləsuvarda orta məktəbdə 1-ci sinif şagirdini elektrik cərəyanı vurub.
Trend-in Daxili İşlər Nazirliyinin rəsmi saytına istinadən verdiyi məlumata görə, mayın 30-da Biləsuvar rayonunun Çaylı kəndindəki 5 saylı orta məktəbin həyətində, həmin məktəbin 1-ci sinif şagirdi Səid Əliyev elektrik cərəyanı vurması nəticəsində ölüb.
Həmin gün Şəki rayonunun Kiçik Dəhnə kənd sakini Adilə Cəlilovanı həyətində elektrik cərəyanı vurub.
O, xəstəxanaya aparılarkən yolda ölüb.
Hər iki faktla bağlı araşdırma aparılır.