Azərbaycan, Bakı, 14 iyun /Trend/
Dənizdə batan 38 yaşlı kişinin cəsədi tapılıb.
Trend Fövqəladə Hallar Nazirliyinin rəsmi saytına istinadən məlumat verir ki, 1974-ci il təvəllüdlü Elxan Ağamolla oğlu Quliyev Bakı şəhəri, Qaradağ rayonu ərazisində dənizdə (ən yaxın xilasetmə məntəqəsindən 2 km aralıda, nəzarətsiz ərazidə) çimərkən batıb.
Dərhal FHN-in Dövlət Sularda Xilasetmə Xidmətinin dalğıc-xilasediciləri hadisə yerinə cəlb edilib və axtarışlara başlayıblar.
Quliyevin cəsədi dalğıc-xilasediciləri tərəfindən tapılaraq sudan çıxarılıb və aidiyyəti üzrə təhvil verilib.