Azərbaycan, Bakı, 14 iyul /Trend, müxbir İ.İsabalayeva/
Bakının Qaradağ rayonunda sürücünün ölümü ilə nəticələnən yol-nəqliyyat hadisəsi baş verib.
Trend şənbə günü Daxili İşlər Nazirliyinin (DİN) rəsmi saytına istinadən xəbər verir ki, iyulun 13-də saat 23.40 radələrində Qaradağ rayonu ərazisində Bakı şəhər sakini Zaur Qurbanov idarə etdiyi "Opel" markalı avtomaşın aşıb. Nəticədə Z.Qurbanov hadisə yerində ölüb.
Onun xəsarət almış sərnişini- Yardımlı rayon sakini Emin Abdullayev isə xəstəxanaya yerləşdirilib.
Hazırda Qaradağ Rayon Polis İdarəsi tərəfindən araşdırma aparılır.