Azərbaycan, Bakı, 20 iyul /Trend, müxbir T.Cəfərov/
İranda Tehrandan ölkəni cənub bölgəsinə hərəkət edən yük qatarı Qarun şəhərindən Bişə istiqamətinə gedərkən relsdən çıxıb və aşıb. Trend-in məlumatına görə, bu barədə İran televiziyasının rəsmi xəbər saytı məlumat verir.
Məlumata əsasən, hadisə bu gün səhər baş verib. Qatarın relsdən çıxması paytaxtdan ölkənin cənub istiqamətinə Tehran-Əhvaz, Tehran-Xorrəmşəhr və eləcə də Əhvaz-Tehran sərnişin qatarlarının hərəkəti dayandırılıb. Sərnişinlərə başqa nəqliyyat vasitələrindən istifadə etmək məsləhət görülüb.
Relsdən çıxmış qatarın nə yük daşıması və hadisə nəticəsində xəsarət alanlarla bağlı məlumat verilmir.