Azərbaycan, Bakı, 26 iyul / Trend müxbir K.Zərbalıyeva/
Bakıda yaşayış evində baş verən partlayışda xəsarət alan qadın ölüb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Yasamal rayonunda vətəndaşa məxsus ümumi sahəsi 75 kv.m olan birmərtəbəli üçotaqlı evin hamamında partlayış baş verib.
Nəticədə, 1 kv.m sahədə pəncərə çərçivəsi yanıb. Evin qalan hissəsi yanğından mühafizə olunub.
Ev sakini - 1971-ci il təvəllüdlü Səadət Mahir qızı İsgəndərova aldığı xəsarətlərdən xəstəxanada ölüb. İlkin ehtimala görə, partlayışa propan qaz balonunda yaranmış sızma səbəb olub.