Azərbaycan, Bakı, 22 dekabr /Trend/
Bakıda tikilməkdə olan yeni metropoliten binasında yanğın olub.
Trend-in FHN-in rəsmi saytına istinadən verdiyi məlumata görə, Bakı şəhəri, Binəqədi rayonunda tikilməkdə olan, ümumi sahəsi 800 kvadratmetr olan yeni metropoliten binasında fəhlələrin soyunub-geyinmə otağının yanar konstruksiyaları 20 kvadratmetr sahədə yanıb.
Binanın qalan hissəsi yanğından mühafizə olunub. Yanğın bu gecə saat 01:36-da yanğınsöndürənlər tərəfindən söndürülüb.