Azərbaycan, Bakı, 24dekabr /Trend, müxbir K.Zərbalıyeva/
Bakı-Qazax yolunda "Mercedes" aşıb, xəsarət alan var.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Şamaxı rayonu, Bakı-Qazax yolunda vətəndaşa məxsus minik avtomobili idarəetməni itirərək yolun kənarına aşıb.
Hadisə nəticəsində avtomobildə köməksiz vəziyyətdə qalmış sərnişin müxtəlif bədən xəsarətləri ilə yanğınsöndürən-xilasedicilər tərəfindən avtomobildən çıxarılaraq Təcili Tibbi Yardım xidmətinə təhvil verilib. Yanğın təhlükəsinin aradan qaldırılması məqsədi ilə yanğınsöndürənlər tərəfindən təhlükəsizlik tədbirləri görülüb.