Azərbaycan, Bakı, 18 yanvar /Trend, müxbir A.Tağıyeva /
Ötən gecə "Türk Hava Yolları"na məxsus İstanbul-Antalya aviareysini həyata keçirən təyyarəni ildırım vurub. Trend-in məlumatına görə, bu barədə cümə günü "Habertürk" qəzeti xəbər yayıb.
İldırım vurması nəticəsində təyyarə zədələnib. Hadisə təyyarə Antalyada yerə enməkdə olarkən baş verib, buna görə də hava gəmisi uğurlu eniş edib.
Nəticədə xəsarət alan olmasa da, hadisə sərnişinlər arasında təşviş yaradıb.
Təyyarənin göyərtəsində 69 sərnişinin olduğu bildirilir.