Azərbaycan, Bakı, 21 yanvar /Trend, müxbirlər E.Tariverdiyeva, T.Cəfərov/
İranın İlam əyalətinin Malikşahi şəhərində baş vermiş partlayış dörd nəfərin həyatına son qoyub. Bu barədə Trend bazar ertəsi "Fars" agentliyinə istinadən məlumat verir.
Məlumata görə, partlayış nəticəsində xəsarət alan daha iki nəfər yaxınlıqdakı xəstəxanaya yerləşdirilib.
Polisin hesabatına əsasən, partlayışa məişət qazının sızması səbəb olub.
Polis insidenti araşdırmağa başlayıb.