Azərbaycan, Bakı, 14 fevral /Trend/
Donetskdə qəza enişi etmiş təyyarədə yalnız bir uşaq xəsarət almayıb və onun tibbi yardıma ehtiyacı yoxdur. RİA Novosti xəbər verir ki, ötən gün Odessadan Donetskə uçan təyyarə hava limanında qəza enişi edib və nəticədə An-24 parçalanıb.
Hadisə nəticəsində təyyarədə olan 52 nəfərdən 5-i həlak olub. Tibbi yardıma müraciət edən 26 nəfərdən 9-u isə xəstəxanaya çatdırılıb.
"Təyyarədə 10 yaşlı uşaq da olub. Həkimlərin müayinəsindən sonra deyilib ki, o, hər hansı xəsarət almayıb və uşağın tibbi yardıma ehtiyacı yoxdur" - deyə məlumatda bildirilir.