Azərbaycan, Bakı, 18 mart /Trend, müxbir İ.İzzət/
Bazar günü Azərbaycanın avtomobil yollarında 5 yol-nəqliyyat hadisəsi baş verib, nəticədə 6 nəfər ölüb, 6-sı isə yaralanıb.
Trend Daxili İşlər Nazirliyinin rəsmi məlumatına istinadən xəbər verir ki, respublikanın daxili işlər orqanları tərəfindən gün ərzində 50 cinayət faktı qeydə alınıb, onların da 28-i "isti izlər"lə açılıb.
Cinayət Məcəlləsinin müxtəlif maddələri üzrə axtarılan 6 nəfər tutularaq istintaq orqanlarına təhvil verilib.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 10, qanunsuz saxlanılan silah-sursatla bağlı 3 fakt müəyyən edilib.
Cinayət törətdiklərinə görə 27 nəfər tutulub.