Azərbaycan, Bakı, 28 mart /Trend, müxbir E.Mehdiyev/
Bakı-Quba yolundakı Sumqayıt - H.Z.Tağıyev qəsəbəsi yolunun 7-ci kilometrində yerləşən körpü avtomobillərin hərəkəti üçün açıqdır.
Nəqliyyat Nazirliyinin "Azəryolservis" ASC-nin mətbuat xidmətinin rəhbəri Pünhan Mürsəliyev Trend-ə bildirib ki, hazırda körpü açıqdır, hər iki istiqamətdə hərəkət var.
O qeyd edib ki, hazırda "Azəryolservis" ASC-nin mütəxəssisləri körpünü yoxlayırlar.
Qeyd edək ki, ötən gün şahidlərin Trend-ə verdiyi məlumata görə, Bakı-Quba yolundakı Sumqayıt - H.Z.Tağıyev qəsəbəsi yolunun 7-ci kilometrində yerləşən körpü avtomobillərin hərəkəti üçün təhlükəli olduğundan bağlanmışdı.