Azərbaycan, Bakı, 23 may /Trend, müxbir A.Tağıyeva/
Mayın 23-ü səhər saatlarında İstanbul küçələrindən birində səs qumbarası partladılıb. Trend-in məlumatına görə, bu barədə cümə axşamı "CNN Türk" xəbər yayıb.
Məlumata görə, səs qumbarası Atatürk küçəsində yerləşən böyük mağazalardan birinin qarşısında partladılıb. Partlayış nəticəsində heç kim xəsarət almayıb.
Hadisə yerinə gələn ölkənin təhlükəsizlik qüvvələri partlayış yerində solçu terror təşkilatlarından birinə məxsus əşyalar aşkarlayıblar.
Faktla bağlı cinayət işi başlanılıb, araşdırmalar aparılır.