Azərbaycan, Bakı, 3 iyul /Trend, müxbir T.Cəfərov/
Ötən gün İranın Mazandaran əyalətinin Nur şəhəri yaxınlığında Xəzər dənizi sahillərində istirahət etmək üçün gəlmiş 16-18 yaşlı 80 nəfər məktəbli uşaqdan altısı dənizdə boğularaq ölüb. Trend-in məlumatına görə, bu barədə FARS agentliyi məlumat verir.
Məlumata əsasən, həmin məktəblilər İranın Kərəc şəhərindən Mazandaran əyalətinə yay tətili ilə bağlı səyahətə gəlmişdilər. Boğulan uşaqlardan 3-nün meyiti hələ də tapılmayıb.
Qeyd edək ki, indiyədək İranda 20-dən çox şəxs dənizdə boğularaq ölüb. Rəsmi məlumatlara görə, ötən il çimərlik mövsümündə Xəzər dənizində 250-dən çox insan boğularaq həlak olmuşdu.