Azərbaycan, Bakı, 23 dekabr /Trend/
Qadınların əl çantasını alıb qaçmış şəxslər saxlanılıblar.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, dekabrın 21-də A.Manafov küçəsində naməlum şəxs Bakı şəhər sakini Məxmər Cabbarovanın içərisində 100 manat, mobil telefon və şəxsiyyət vəsiqəsi olnan əl çantasını əlindən alıb qaçıb.
Nizami RPİ 25-ci PB əməkdaşlarının keçirdiyi əməliyyat tədbirləri nəticəsində soyğunçuluqda şübhəli bilinən Bakı şəhər sakinləri Nüsrət Məmmədov və Xaliq Həsənov tutulublar.
Dekabrın 21-də Şərifli küçəsində naməlum şəxs Zeynəb Cəlilovanın əlindən içərisində pul olan əl çantasını alıb qaçıb.
Nizami RPİ 25-ci PB əməkdaşlarının keçirdiyi əməliyyat tədbirləri nəticəsində soyğunçuluqda şübhəli bilinən Bakı şəhər sakini Məhəbbət Həsənov tutulub.