Azərbaycan, Bakı, 26 fevral /Trend, müxbir İ.İzzət/
Lənkəran rayon sakini narkotik vasitələri satarkən tutulub.
Trend Daxili İşlər Nazirliyinin (DİN) rəsmi saytına istinadən xəbər verir ki, Lənkəran Şəhər Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Göyşaban kənd sakini Emin Davudov 1 kiloqram 2 qram tiryəki və 40 qram marixuananı satarkən tutulub.
E.Davudovun əvvəllər də məhkumluq həyatı yaşadığı bildirilir.
Faktla bağlı cinayət işi açılıb, istintaq gedir.