Azərbaycan, Bakı, 6 may /Trend, müxbir İ.İzzət/
Bakı sakininin 1200 manat pulunu mənimsəmək istəyən dələduz tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, mayın 1-də Parlament prospektində Elnay adlı şəxs Bakı şəhər sakini Saməddin Gərayevin etibarından sui istifadə edərək 1200 manat alıb qaytarmayıb.
Yasamal Rayon Polis İdarəsi 26-cı Polis Bölməsi əməkdaşlarının keçirdikləri əməliyyat tədbirləri nəticəsində, dələduzluqda şübhəli bilinən Beyləqan rayon sakini Elnay Əliyev tutulub.
Faktla bağlı araşdırma aparılır.