İlk xəbər 10:35-də yayılıb
Azərbaycan, Bakı, 7 noyabr /Trend, müxbir Elçin Mehdiyev/
Bakıda çoxmərtəbəli binada yanğın baş verib.
Trend Fövqəladə Hallar Nazirliyinin mətbuat xidmətinə istinadən xəbər verir ki, Bakı şəhəri, Xətai rayonunda çoxmərtəbəli yaşayış binasında yanğın hadisəsi baş verib. Dərhal Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası hadisə yerinə cəlb olunub.
Yanğının söndürülməsi istiqamətində müvafiq tədbirlər görülür.
Əlavə məlumat veriləcək.
XXX
Çoxmərtəbəli binada baş vermiş yanğın söndürülüb.
Bakı şəhər Təcili və Təxirəsalınmaz Tibbi Yardım Stansiyasından Trend-ə bildirilib ki, hadisə nəticəsində xəsarət alan olmayıb. Halı pisləşən bir uşağa isə tibbi yardım göstərilib və xəstəxanaya yerləşdirilib.