Azərbaycan, Bakı, 20 noyabr /Trend, müxbir İlkin İzzət/
Bakıda axtarışda olan Lənkəran şəhər sakini tutulub. Ondan yarım kilodan çox heroin götürülüb.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, Nəsimi Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Lənkəran şəhər sakini, əvvəllər məhkum olunmuş Rövşən Hüseynovdan 540 qram heroin götürülüb.
Onun Lənkəran Şəhər Rayon Polis Şöbəsi tərəfindən Cinayət Məcəlləsinin 182-ci (hədə-qorxu ilə tələb etmə) maddəsi ilə axtarışda olması da müəyyən edilib.