Azərbaycan, Bakı, 16 fevral /Trend, müxbir İlkin İzzət/
Bakıda avtomobildən 80 min dollar pul oğurlanıb.
Daxili İşlər Nazirliyinin mətbuat xidmətindən Trend-ə verilən məlumata görə, fevralın 14-də Nizami Qasımova məxsus "Toyota" markalı avtomobildən 80 min ABŞ dolları pul oğurlanıb.
Yasamal rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində oğurluğu törətmiş Bakı şəhər sakini Sadiq Ağayev və Füzuli rayon sakini Qaməddin Əliyev tutulublar.
Faktla bağlı araşdırma aparılır.