Azərbaycan, Bakı, 10 mart /Trend, müxbir İlkin İzzət/
Bakıda avtobusda cibgirlik edən şəxs tutulub.
Daxili İşlər Nazirliyinin (DİN) mətbuat xidmətindən Trend-ə verilən məlumata görə, martın 9-da 12 saylı xətt avtobusunda Bakı şəhər sakini Rahib Məmmədovun cibindən 250 manatı oğurlanıb.
Çevik Polis Alayı və Xətai rayon Polis İdarəsi 34-cü Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Dmitriy Şabatayev tutulub.