Azərbaycan, Bakı, 4 noyabr /Trend/
Gəncədə 3 otaqlı ev yanıb.
Gəncə şəhər Dövlət Yanğından Mühafizə İdarəsindən verilən məlumata görə, Cavadxan qəsəbəsində vətəndaşa məxsus ümumi sahəsi 143 kv.m olan birmərtəbəli 3 otaqlı evin 2 otağının tavanı 25 kv.m sahədə yanıb.
Trend Kəpəz TV-yə (Region TV) istinadən xəbər verir ki, yanğın zamanı xəsarət alan olmayıb, idarənin rəis müavini Rahib Nadirov bildirib.
Yanğınsöndürənlərin alova vaxtında müdaxiləsi nəticəsində evin qalan hissəsi yanğından mühafizə olunub.
Hadisənin hansı şəraitdə baş verdiyi araşdırılır.