Bakı. Elmir Murad - Trend:
Bakıda polis avtomobil qaçıran şəxsi saxlayıb.
Trend Daxili İşlər Nazirliyinin saytına istinadən xəbər verir ki, noyabrın 24-nə keçən gecə Nərimanov rayonu ərazisindən Bakı şəhər sakini Filman Mirzəliyevə məxsus "VAZ-2101" markalı avtomobil qaçırılıb.
Hadisəni törətmiş Bakı şəhər sakini Elnur Şıxıyev noyabrın 24-də saat 06 radələrində Moskva prospektində Nəsimi Rayon Polis İdarəsi 19-cu Polis Bölməsinin əməkdaşları tərəfindən saxlanılıb və 18-ci Polis Bölməsinə təhvil verilib. Faktla bağlı Nərimanov Rayon Polis İdarəsi tərəfindən araşdırma aparılır.