Bakı. Trend:
Kəpəz rayonunda ötən aylarda baş vermiş oğurluq faktlarının üstü açılıb.
Belə ki, Trend-ə DİN-dən verilən məlumata görə, rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində mayın 29-da rayon ərazisindəki evlərdən birindən su mühərriki oğurlamaqda şübhəli bilinən Gəncə şəhər sakini Eşqin Qurbanov tutulub.
Ətrafında aparılan əməliyyat tədbirləri ilə onun iyun-iyul ayları ərzində 4 avtomobildən akkumulyator, maqnitofon və səsgücləndirici, 1 evin həyətindən isə su mühərriki və 5 ev quşu oğurlaması da müəyyən edilib.