Bakı. Samir Əli - Trend:
Göyçay rayonunda yol qəzası baş verib.
Trend-in məlumatına görə, hadisə rayon ərazisində baş verib. Göyçay şəhəri, Axundov küçəsi 12 saylı evdə yaşayan, 2000-ci il təvəllüdlü Əhmədov Şahkərəm Samir oğlu yolu keçərkən naməlum avtomobillə vurulub.
Yaralı bədənin müxtəlif yerlərinin sınığı ilə xəstəxanaya yerləşdirilib, vəziyyəti orta ağırdır.
Faktla bağlı Göyçay rayon Polis Şöbəsində araşdırmalar aparılır.