Bakı. Trend:
Əfqanıstanın paytaxtı Kabildə ABŞ-ın keçmiş prezidenti Corc Buşun (oğul) şərəfinə adlandırılmış bazarda yanğın baş verib.
Trend-in məlumatına görə, yanğının qarşısının alınması üçün çox sayda yanğınsöndürən cəlb edilib.
Xəsarət alanlar barədə məlumat verilməyib.
Qeyd edək ki, C.Buş adına bazar 2001-ci ildə Əfqanıstanda hərbi əməliyyatlar zamanı yaradılıb. Əvvəlcə orada hərbçilər üçün məhsullar satılsa da, daha sonra orada geyim, elektron əşyalar satılmağa başlayıb.