Bakı. Trend:
Füzuli rayonunun Qayıdış-5 qəsəbəsində yol-nəqliyyat hadisəsi baş verib.
DİN-dən Trend-ə verilən məlumata görə, aprelin 1-də saat 17 radələrində Füzuli rayonunun Qayıdış-5 qəsəbəsində qəsəbə sakini Yusif Dadaşzadə idarə etdiyi “Mercedes” markalı avtomobili aşırıb və zərbədən yanğın baş verib.
Nəticədə Y.Dadaşzadə və sərnişinlərindən qəsəbə sakini Rəşad Rüstəmov hadisə yerində ölüb, digər 2 sərnişini xəstəxanaya yerləşdiriliblər.
Araşdırmalar RPŞ tərəfindən aparılır.