Bakı. Trend:
Azərbaycan Milli Elmlər Akademiyası yanında Respublika Seysmoloji Mərkəzi ölkənin şimal-qərbində baş verən zəlzələ ilə bağlı rəsmi məlumat yayıb.
Trend-in mərkəzin saytına istinadən verdiyi məlumata görə, saat 22:40-da Zaqatala ərazisində 5,5 bal gücündə təkanlar qeydə alınıb.
Zəlzələ 12 kilometr dərinlikdə meydana gəlib.
Zəlzələ episentirdə 6 bala qədər hiss olunub.
Yeraltı təkanlar, həmçinin Ermənistanın şimal-şərqində, Gürcüstanda və Dağıstanda hiss olunub.