Bakı. Trend:
İlk xəbər saat 08:43-də yayımlanıb
Bakı şəhərinin Xəzər rayonunda dənizdə batdığı ehtimal olunan 2003-cü il təvəllüdlü Babayev Emin Kənan oğlunun axtarışları başa çatıb.
FHN-dən Trend-ə verilən məlumata görə, E.Babayevin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
XXX
08:43
Böhran Vəziyyətlərində İdarəetmə Mərkəzinə Bakı şəhərinin Xəzər rayonunda dənizdə 1 nəfərin batması barədə məlumat daxil olub.
Fövqəladə Hallar Nazirliyindən Trend-ə verilən məlumata görə, Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Əlavə məlumat veriləcək.